ગંભીર અકસ્માત : દૂર સુધી બચાવો બચાવો ચીસો સંભળાય, સળગતી કારમાં 5 લોકોનું ભડથું

અકસ્માત સમયે અમને બચાવો બચાવો યમુના એક્સપ્રેસ (Yamuna Expressway) પર મંગળવારે વહેલી સવારે આગનો ગોળો બનેલી કારમાં પાંચ લોકો જીવતા સળગી રહેલા લોકોએ ચીસો પાડતા ત્યાંથી પસાર થતાં લોકોને હચમચાવી દીધા. કેટલાક ડ્રાઇવરો (Drivers)એ કારમાં રહેલા પરિવારજનોને મદદનો હાથ લંબાવવા માંગતા હતા, પરંતુ કારમાં એટલી આગ લાગી હતી કે તેઓ કાંઈ કરી શક્યા નહીં.

આ પણ વાચો : ‘રઈસ’ ફિલ્મની કોપી પડી ભારે, કુંભલગઢ ફરવા ગયેલા યુવકોએ કર્યું આ કાંડ અને…!

રોંગ સાઇડથી આવી રહેલી ટ્રકે ટક્કર મારી

ત્યાંથી પસાર થતા એક પ્રત્યક્ષદર્શીએ કહ્યું કે સળગતી કાર અમારી પાછળ હતી. અકસ્માતના થોડાંક સમય પહેલા જ અમને ઓવરટેક કરીને આગળ નીકળી હતી. જે ટ્રકે કારને ટક્કર મારી તે ત્યાંથી રોંગ સાઇડમાં આવી રહી હતી. તેની ડીઝલ ટેન્ક પણ લીક થઈ ગઈ હતી.

નજરે જોનારાઓ ઈચ્છતા પણ મદદ કરી શક્યા નહીં

આ દર્દનાક ઘટનાના અન્ય એક પ્રત્યક્ષદર્શીએ જણાવ્યું કે કારમાં આગ લાગ્યા બાદ તેમણે અંદર ફસાયેલા બાળકને બહાર કાઢવાનો પ્રયાસ કર્યો, પરંતુ તે તેને કાઢી શક્યા નહીં. આખી કાર અચાનક આગનોગોળો બની ગઈ હતી. સળગી રહેલી કારમાં ત્રણથી ચાર લોકો ‘અમને બચાવો, બચાવો’ની ચીસો પાડી રહ્યા હતા.