બજેટ બોલ્યું ગાડી,મોબાઈલ ખરીદવા ખિસ્સું ઢીલું રાખવું જાણો શું સસ્તું શું મોંઘું થયું

કેટલા સાથી રાહ જોઈ રહ્યા હતા બજેટની ,આ રહ્યું લિસ્ટ, કે હવે નવા બજેટ પ્રમાણે કઈ કઈ વસ્તુઓ ખરીદવા માટે ખિસ્સું વધારે ગરમ રાખવું પડશે.

નાણામંત્રી નિર્મલા સીતારમણે ડિરેક્ટ ટેક્સ આપનારા લોકોને સામાન્ય બજેટ 2021માં કોઈ રાહત આપી નથી. સરકારે દારુ, કાબુલી ચણા, વટાણા, મસૂરની દાળ સહિત ઘણાં ઉત્પાદનો પર ખેતી ઈન્ફ્રાસ્ટ્રક્ચર સેસ લગાવવાની જાહેરાત કરી છે. નાણામંત્રી એ આ વર્ષે કસ્ટમ્સમાં 400 કરતા વધારે છૂટછાટની સમીક્ષા કરવાનો પ્રસ્તાવ કર્યો છે. નાણામંત્રીએ અપ્રત્યક્ષ કરમાં બદલાવની જાહેરાત કરી છે.

ઘણાં પ્રકારના કાચા માલ પર કસ્ટમ ડ્યુટી વધારાઈ છે. કેટલાક સ્ટીલ ઉત્પાદનો પર ડ્યુટી હટાવી દેવાઈ છે. આ સિવાય કોપર સ્ક્રેપ ડ્યુટીને 5%થી ઘટાડીને 2.5% કરાઈ છે. મોબાઈલ્સના કેટલાક પાર્ટ્સ પર હવે 2.5% ડ્યુટી ચૂકવવાની રહેશે.

શું મોંઘું થયું ?

કોટન ,સિલ્ક,પ્લાસ્ટિક,લેધર,ઈલેક્ટ્રોનિક્સ આઈટમ્સ,ઓટો પાર્ટ્સ,સોલર પ્રોડક્ટ્સ,મોબાઈલ,ચાર્જર,ઈમ્પોર્ટેડ કપડા,રત્ન (જવેરાત),LED બલ્બ,ફ્રીઝ/એસી,દારુ

આ પણ વાચો : આ સ્ટાર ખુલ્લેઆમ ખેડૂતોની પડખે, હવે ખેડૂતોને સમર્થન જાહેર કર્યું

શું સસ્તું થયું?

નાઈલોનના કપડા,સ્ટીલ,કોપરની વસ્તુઓ,સોનુ,ચાંદી

સૌપ્રથમ બજેટ આજે નાણાંમંત્રી નિર્મલા સિતારમણે રજૂ કરી દીધું છે. આ બજેટમાં સરકારે હેલ્થ અને ઈન્ફ્રાસ્ટ્રક્ચર પર ખાસ્સું ધ્યાન આપ્યું છે, પરંતુ જેની આતુરતાથી રાહ જોવાઈ રહી હતી તેવી આઈટી સ્લેબમાં ફેરફાર તેમજ 80C હેઠળ મળતી છૂટનો કોઈ ઉલ્લેખ પણ ના કરી નાણાંમંત્રીએ મધ્યમ વર્ગને નિરાશ કર્યો છે. નાણાંમંત્રીએ પગારદાર વર્ગને રાહત આપવાનું ટાળ્યું છે. જોકે, પેન્શન અથવા વ્યાજની આવક પર નભતા 75 વર્ષથી વધુ વયના નાગરિકોને ટેક્સ ભરવામાંથી મુક્તિ આપી છે.

એક તરફ, પેટ્રોલ અને ડીઝલના ભાવ સરકારના આકરા કરવેરાને કારણે હાલ આસમાને પહોંચ્યા છે, તેવામાં તેમાં કોઈ રાહત આપવાને બદલે નાણાંમંત્રીએ પેટ્રોલ પર રુ. 2.50 અને ડીઝલ પર રુ. 4નો ફાર્મ સેસ લેવાની દરખાસ્ત કરતાં પેટ્રોલ-ડીઝલના ભાવ હજુ વધે તેવી શક્યતા છે.