ગુજરાતમાં કોરોના ફરી બેકાબૂ કેસની સંખ્યા 1100 ને પાર, સુરતમાં નોંધાયા વધું કેશ

ગુજરાતમાં કોરોના ફરી બેકાબૂ કેસની સંખ્યા 1100 ને પાર, સુરતમાં નોંધાયા વધું કેશ

News

હાલ રાજ્યમાં કોરોના વાયરસના દર્દીઓની કેસોના સંખ્યામાં મોટો વધારો જોવા મળ્યો છે. રાજ્યમાં દિવસે ને દિવસે કોરોના વાયરસની પરિસ્થિતિ વિકટ બની રહી છે. છેલ્લા 24 કલાકમાં ગુજરાતમાં 1100 થી વધુ કેસ નોંધાયા છે. ગુજરાતમાં એક જ દિવસમાં કોવિડ-19ના 1122 કેસ નોંધાયા છે. જ્યારે ત્રણ લોકોના મોતને ભેટ્યા છે. કોરોનાની ગુજરાતમાં સૌથી ખરાબ પરિસ્થિતિ સુરત અને અમદાવાદમાં છે. છેલ્લા 24 કલાકમાં રાજ્યમાં 775 દર્દીઓ ડિસ્ચાર્જ થયા છે.

ખાલી સુરત શહેરમાં છેલ્લા 24 કલાકમાં કોરોનાના 300થી વધુ કેસ સામે આવ્યા છે. સુરત શહેરમાં 315 અને સુરત જિલ્લામાં 38 કેસ મળીને કુલ 353 કેસ નોંધાયા છે. સુરતમાં 205 અને જિલ્લામાં 29 દર્દીઓ ડિસ્ચાર્જ થયા છે. કોરોનાના કારણે સુરત શહેરમાં એક વ્યક્તિનું મોત નીપજ્યું છે.

રાજ્યમાં કુલ 5310 એક્ટિવ કેસ છે જેમાંથી 61 દર્દીઓ વેન્ટિલેટર પર છે. અત્યાર સુધી રાજ્યમાં કોરોનાથી 4430 લોકોના મોત થયા છે. રાજ્યમાં અત્યાર સુધી કુલ 2,71,433 દર્દીઓ કોરોનામાંથી સાજા થયા છે. આમ રાજ્યનો રિકવરી રેટ 96.54 ટકા થઈ ગયો છે. છેલ્લા 24 કલાકમાં કુલ 67,734 લોકોને રસી આપવામાં આવ્યું છે.

અમદાવાદમાં પણ દિવસેને દિવસે કોરોનાના કેસની સંખ્યા વધી રહી છે. છેલ્લા 24 કલાકમાં 264 નવા કેસ નોંધાયા છે અને 205 દર્દીઓ સાજા થયા છે. જ્યારે અમદાવાદ જિલ્લામાં સાત કેસ નોંધાયા છે અને ત્રણ દર્દીઓ સાજા થયા છે. અમદાવાદ શહેરમાં કોરોનાના કારણે એક વ્યક્તિનું મોત થયું છે.

વડોદરા શહેરમાં પણ કેસની સંખ્યા 100ને નજીક પહોંચી ગઈ છે. છેલ્લા 24 કલાકમાં વડોદરા શહેરમાં 97 દર્દીઓ નોંધાયા છે. જ્યારે જિલ્લામાં 17 દર્દીઓ સામે આવ્યા છે. વડોદરા શહેરમાં એક વ્યક્તિએ કોરોનાના કારણે જીવ ગુમાવ્યો છે.

નોંધનીય છે કે રાજ્યમાં કોરોનાના વધી રહેલા કેસને ધ્યાનમાં રાખતા સરકાર હવે એક્શનમાં આવી ગઈ છે. સરકાર દ્વારા રાજ્યના ચાર મહાનગરોમાં રાત્રી કર્ફ્યુ વધારી દેવામાં આવ્યો છે. 17 માર્ચથી ચારેય મહાનગરોમાં રાત્રે 10થી સવારે છ વાગ્યા સુધી રાત્રી કર્ફ્યુ રહેશે.

Leave a Reply

Your email address will not be published. Required fields are marked *